oKa oGaG

ako mismo...

2009-08-20T08:05:00.000-07:00

...hindi ko papansinin ang mga bagay na hindi ko naman dapat pinapansin.

wala lang, nabanggit ko lang yung isang pledge ko sa wall ng ako mismo

hanggang ngayon pinipilit kong tuparin ang pledge na yan.. kahit wala namang batas na nagsasabing pag nagpledge ka na, kailangan mong tuparin yun dahil kung hindi, ikukulong ka, sa abot naman ng makakaya ko, pinipigilan ko talaga ang sarili ko..

nashare ko lang naman..

---

sorry nga pala, random thoughts na lang ito...

---

buddy date kahapon (august 19, 2009), sa gateway. okei naman. enjoy na magvideoke sa timezone sa gateway at talunin si gemae sa racing at tekken. hahaha..(peace)..

tapos nung magpipicture picture na kami, wala kaming makitang magandang lugar at taong magpipicture sa amin. eh gusto pala ni darwin, dun kami sa gitna (yung maraming halaman at my bridge) magpapicture. so punta naman kami. nung papunta kami, sabi ko sa escalator na lang kami magpicture, nagtry kami kaso hindi talaga pwede..:P

so pagpunta namin dun, okei.. ang daming tao. tapos nagpaikot ikot kami dun at nakita namin yung mommy ni gemae. tapos nagpunta sa figaro yung mommy nya habang kami naman eh tuloy pa rin sa paghahanap ng magandang pwesto. ayun nung makita kami (at after bumili ni gemae ng isang bonggang bonggang dancing cappuccino) may picture na kami...(see above)

---

FINAL STAND:

ayokong makipag away dahil sa mga katangahan. pipilitin kong hindi pumatol sa mga taong hindi naman nila ata alam yung sinasabi nila. minsan kasi yung mga taong salita ng salita, sila pa yung mga taong hindi naman talaga kung ano yung sinasabi nya.

Long Weekend

2009-08-20T08:01:00.000-07:00

Long weekend.. yey..

rants and stuffs

2009-07-15T00:14:00.000-07:00

minsan kahit maliit lang na bagay, maaari itong maging dahilan ng isang malaking away. sa bahay namin, ang basong nagkaroon na kahit maliit na lamat eh tinatapon na agad namin kasi sabi ng nanay ko, pag nabasag daw bigla, pwedeng makasugat ito.

minsan nakakatuwa talagang magtrabaho kasama ang mga taong marunong magappreciate ng effort na ginagawa mo. minsan naman may mga tao talagang hindi mo maintindihan ang pag iisip. owel, hindi na lang ako magsasalita, baka hindi ko na rin mapigilan ang bibig mo at magpangalan ako bigla ng mga tao dito. ayoko ng kaaway as much as possible..:D

nakakaiyak

2009-04-26T08:16:00.000-07:00

ang lungkot dito sa bahay, ako lang kasing mag isa ang nandito sa baba.. at sa tuwing ganito ang setting nakakaramdam ako ng matinding kalungkutan. ewan ko ba..

nakadagdag pa yung inggit sa mga batchmates ko na kakagraduate lang. hais. kaya ayokong pumunta eh, kasi siguradong magtatanong sila kung kailan ako makakatapos and as of the moment, hindi ko pa rin alam ang isasagot ko. hais

pinipigilan ko na wag pansinin, pinipigilan ko na mag isip ng kung ano anong bagay na makapagpapalungkot sa akin pero habang tinititigan ko yung nakita ko, gusto kong umiyak. ewan ko ba, wala naman akong dapat nararamdamang ganito pero hindi ko talaga mapigilan.. gusto ko ng sumabog.. hais.

hindi ko alam kung mababasa mo to, hindi ko nga alam kung may nagbabasa pa nito, hindi ko rin alam kung magegets mo yung tinutukoy ko sa itaas.

sana makita kitang ulit.

galing sa mga multiply ng ibang tao

2008-11-09T07:53:00.000-08:00

habang nagmumultiply

2008-10-13T08:38:00.000-07:00

habang tinitignan ko yung mga pictures sa multiply ng iba't ibang tao may mga napansin lang ako...

may mga taong nakangiti sa picture pero nababasa naman sa mata yung lungkot.
may mga tao na kahit sino ang makatabi sa picture, kahit na hindi niya feel yung tao, eh go lang..:D
may mga taong vain (actually ang dami nila)
merong makakita lang ng cam eh pose agad..
meron din namang mga taong "kunwari" stolen shot pero nakapose naman pala..

hindi ako marunong ngumiti..

ang gaganda ng kuha ni rolf...

hindi ko na naman alam yung susunod...

blangko na naman ang utak ko..

dapat talaga nagsusulat muna ako sa notebook bago ako nagpopost eh..

nablablangko kasi ako..

hais talaga..

malala na ata yung sakit kong "kalimot"

ano kayang magandang gawin bukas?

matulog buong maghapon?

----

hmmmm..

miss ko na siya..

kaso ang daming dapat gawin...

----

sana maging sensitive naman ang mga tao sa mga bagay bagay...

masaya ang walang alam.. pero sa kaloob looban ko naiisip ko rin naman na hindi ba talaga ako mapagkakatiwalaan? parang ganun kasi yung dating sa akin...

owell..

sino ba naman ako para magtampo/magsalita ng ganito diba?

evil...

wag lang sanang dumating yung naiisip kong scenario.. baka hindi maging maganda ang reaksyon ko..:D

hais

2008-10-13T08:19:00.000-07:00

hindi ko alam kung ano etong nararamdaman ko...

badtrip
naiinis
natatae
kinakabahan
nabobore
natatae
naeewan
+ nagagago
-------------------
feeling ko ngayon...

ewan..

blangko..

bakit ko ba kasi nararamdaman ito?

parang ang lungkot tuloy ng mundo ko..

hais..

goodbye EEE na ata ako..>.<

sa tambayan

2008-10-09T19:13:00.000-07:00

maulan ngayon.. nakakatamad mag aral. badtrip nilabhan ko pa kasi yung jacket ko kahapon, malay ko bang uulan ngayon at malamig..>.<

sa kamalas malasan, katabi ko si jonard ngayon.. para tuloy gabi na kasi katabi ang buwan..:D

inaantok ako pero hindi ako makatulog. gamit ko ngayon yung laptop ng buddy "namin". wala lang..

salamat tapos na practicals sa EEE34.. medyo madali lang naman..

7hrs bago mag exam

2008-01-25T06:12:00.000-08:00

dapat nag aaral ako ngayon, dapat hindi ako nakaharap sa pc para magtype ng isang wala namang kwentang blog entry. pero dahil pasaway talaga ako, eto ako ngayon, hindi nagaaral at nagbloblog...

isa lang ang naiintindihan ko dun sa ieexam namin mamaya, yun yung nireport ko sa DC namin. hayy.. paano kaya ako makakasagot mamaya?

nag aalarm na ang cellphone ng nanay ko, ibig sabihin magigising na sya. gusto ko ng matulog pero hindi naman ako inaantok.

sana madali lang exam(pero asa naman)..

ang saya naman ng batch 07 (at ang yayaman pa, yun ba ang epekto ng 20k na tuition?) lagi silang may ntercourse.. sayang hindi ako nakasama nung UBE kasi required ako sa ACLE. sana makasama ako sa jampak3..

sana magkaroon ako ng oras na matawagan yung schools na binigay sa akin. medyo exam week ko kasi next week. sana maisingit ko man lang kahit sandali..

napapagod ako sa hindi ko malamang kadahilanan. wala naman akong ginagawang nakakapagod para makaramdam ako nito pero parang pagdating ko sa bahay, parang laging gusto kong matulog...

kahapon dinaanan namin yung mga 07 sa trinoma, ang sabi ni melai, sa garden daw sa tapat ng timezone. halos nalibot na namin yung buong timezone eh putek hindi namin sila makita (in fairness, naghahanap kami ng malaki kasi ang tanga naman namin na sa laki ni melai eh hindi namin sya nakita) tapos nasa loob pals sila ng timezone.. akala ko si melai yung isang couple na nakita ko dun tapos kayakap nya si bronsson(peace melai!):D

gusto ko ng pinakbet. kaso kelangan ko munang magdusa sa exam bago ako makatikim nun (yun kasi yung pinaluto kong ulam sa nanay ko para sa tanghalian).

nakakita na ako nung OST ng alvi and the chipmunks kaso kamusta naman ang 68MB na file. siguro aabutin muna ako ng 10 years bago ko madownload yun dito sa super duper bagal kong PC..

wala na akong maitype kaya hanggang dito na lang..

have a nice day everyone!:)

personality check (nakuha kay jean)

2008-01-25T05:35:00.000-08:00

alin kaya ang totoo dito? hehe..:)

Your view on yourself:

You are down-to-earth and people like you because you are so straightforward. You are an efficient problem solver because you will listen to both sides of an argument before making a decision that usually appeals to both parties.

The type of girlfriend/boyfriend you are looking for:

You are a true romantic. When you are in love, you will do anything and everything to keep your love true.

Your readiness to commit to a relationship:

You are ready to commit as soon as you meet the right person. And you believe you will pretty much know as soon as you might that person.

The seriousness of your love:

You like to flirt and behave seductively. The opposite sex finds this very attractive, and that's why you'll always have admirers hanging off your arms. But how serious are you about choosing someone to be in a relationship with?

Your views on education

You may not like to study but you have many practical ideas. You listen to your own instincts and tend to follow your heart, so you will probably end up with an unusual job.

The right job for you:

You have plenty of dream jobs but have little chance of doing any of them if you don't focus on something in particular. You need to choose something and go for it to be happy and achieve success.

How do you view success:

You are afraid of failure and scared to have a go at the career you would like to have in case you don't succeed. Don't give up when you haven't yet even started! Be courageous.

What are you most afraid of:

You are afraid of things that you cannot control. Sometimes you show your anger to cover up how you feel.

Who is your true self:

You like privacy very much because you enjoy spending time with your own thoughts. You like to disappear when you cannot find solutions to your own problems, but you would feel better if you learned to share your thoughts with a person you trust.

^_^

2008-01-23T06:19:00.000-08:00

kuha ito sa cs canteen habang nagdadate sina alvi at jade... hahahaha...

para lang kunwari eh nagbloblog din ako

2008-01-01T02:48:00.000-08:00

nagbloblog din naman ako pero hindi naman ganun kadalas tulad ng iba.. wala lang, wala naman kasi akong magawa dito sa bahay at inaantay ko pang dumating ang tito ko na galing sa marinduque na dumating. ang boring nga eh. kaya eto, kung ano anong kabulastugan ang tinatype ko sito ngayon.

ano nga bang nangyari sa akin mula nung huli akong magblog?

natutunan ko na ang isang jeep ay kayang magsakay ng 30+ na tao(yung jeep na normally eh 16 lang yung nakasakay dito sa manila) hindi pa kasama yung mga dala dalahin.

ngayon ko lang naexperience muli ang malalaking alon sa dagat na akala ko eh lulubog na yung ferry na sinasakyan namin dahil parang napupunta sya underwater.

masarap palang magdrama sa marinduque.

mahina ang signal ng globe sa loob ng bahay namin doon kaya yung mga bumati ng 12midnight to 6am nung birthday ko ay hindi ko natanggap.

nakakasawa rin pala minsan ang coke.

makapal masyado ang pader ng simbahan sa probinsya namin.

mahirap palang maging host ng isang family reunion. hindi ako halos makakain.

wala na. dumating na yung tito ko. wala na tuloy akong maisip..

after EEE21 exam

2007-09-08T03:54:00.000-07:00

uuwi na dapat kami.. tapos sa hindi malamang kadahilanan, napagpasyahan kong sumabay sa mga MaRTians para mag round trip sa MRT dahil masyado pang maaga para umuwi... kaso habang nasa tren kami, napagkasuduan namin nina jade, aljay at darwin na mag detour muna sa SM megamall dahil masyado pa ngang maaga..

pagbaba namin ng MRT nagkagaguhan na naman na dumaan ng shang.. ala lang, napagtripan lang namin. dun namin napatunayan na pwede pala sa shang ang walang sapatos.. example eh yung asong nagbabantay dun sa may entrance, hindi naman sya nakasapatos di ba? hahaha..

habang nasa shang kami, nagtxt bigla si alex na nasa megamall daw sya at mag isa lang syang kakain. kaya pumunta na kami sa megamall para wala lang, makikain>:-)

ayun, pagdating namin dun, nakita namin si alex sa quantum at nanonood... tapos nagpunta na kami sa foodcourt para kumain.. after isang ikot sa buong food court, napag desisyunan naming apat(hindi kasama si jade) na kumain sa Pinoy Toppings... si jade eh kumain sa foodcourt version ng tokyo tokyo... dun ko napatunayan na ako talaga yung pinakamahinang kumain sa aming lahat.. hahaha...

pagkatapos kumain, naglibot na kami..ayun... tignan nio na lang kung anong nangyari sa paglilibot namin sa megamall sa ipopost/post nila aljay at darwin..

new number

2007-09-04T13:58:00.000-07:00

09162386117

to me

2007-08-31T07:03:00.000-07:00

PUTANG INA MO MARK!
GAGO KA TALAGA!
BAKIT KA PA NAG EXIST?!

kung nasaan ka man...

2007-08-15T22:57:00.000-07:00

hindi ko matandaan kung kailan kita huling nasabihan na mahal kita. hindi ko na rin maalala kung nasabi ko man lang ito sa'yo kahit minsan...

lumaki ako na puno ng tanong ang aking isip... isa na rito ay kung bakit hindi ka namin kasama sa bahay... hindi ko matandaan kung kailan tayo unang nagkita.. ang natatandaan ko lang, tuwing birthday ko ay kasama kitang nanonood ng sine. alam kong simula pa noon eh hindi tayo masyadong nag uusap. kapag may gusto ako hindi ako lumalapit sa'yo para hingin yun. idadaan ko pa sa ibang tao para sya ang magsabi sa'yo. pero kahit hindi ako lumaking kasama ka, masayang masaya ako tuwing may pagkakataong magkasama tayo.

mas natutuwa ako kapag nagpupunta ka sa bahay. sigurado kasing masarap ang ulam dahil ikawa ang magluluto. alam kong tuwing nasa bahay ka ay bihira lang akong magsalita. pero hindi ibig sabihin nun na galit ako sa'yo. siguro ay medyo nahihiya pa rin ako sa'yo..

isang gabi bago matulog ay sinabi na sa akin ni mommy ang tunay na sitwasyon. oo nagulat ako, pero natanggap ko naman agad yun. alam ko namang wala kang kasalanan dun. nalamn ko rin na may sakit ka.. hindi ko man pinapakita, nag-aalala ako para sa'yo.

nung martes, habang naglalaro ako ng baraha sa tambayan, nagulat ako sa mensahe na aking natanggap. iniwan mo na raw kami. hindi ako makapaniwala. hindi ko alam kung ano ang magiging reaksyon ko.

sa pagpunta ko sa quezon bukas, hindi ko matanggap na yun an yung magiging huli nating pagkikita. dalawang gabi na akong umiiyak dahil naiisip kita at nanghihinayang ako sa mga oras na sinayang ko nung magkasama pa tayo.

isa lang ang gusto kong sabihin ngayong wala ka na..

mahal na mahal kita, papa...

0-7

2007-08-06T03:43:00.000-07:00

ang ganda ng record ng UP sa first round ng men's basketball ng UAAP.l. sweep.. hehehe...
sayang yung last game.. panira lang talaga yung technical na tinawag eh.. wala naman akong nakitang mali.. pero syempre hindi naman ako yung referee para masabi kung technical nga ba yun o hindi at isa pa, nasa general admission lang naman kami at sobrang layo nia sa court para makita ko talaga..
pero in fairness sa team, mas okei yung pinakita nila compared dati.. haha.. ala lang.. natuwa lang ako..
pero mas nakakatuwa yung half time, pinagiisipan ko pa kung sino yung dapat mauna na magpresent sa cheerdance showdown kasi usually eh yung lamang yung nauuna, pero dahil tabla sila, hindi ko alam.. tapos nagulat na lang ako kasi sabay silang lumabas ng court at sabay pa talaga silang nagperform.. ayos nga eh, pati yung mga taga feu nagcheer nung UP FIGHT!!! hahaha...
pero ang mas nakakatuwa dun nagulat na lang ako ng bigla silang sumigaw ng SAM-SUNG.. hahaha..
after nun, nagpunta kami ng trinoma.. nanood ng ouija na medyo bitin {siguro ganun talaga yung kwento nya}

after GA

2007-07-17T04:11:00.000-07:00

kasabay ko na naman yung mga mrt boys na umuwi.. nag-iinit ang ulo ni ed kaya nagmamadali sya sa paglalakadd.. paano ba naman kasi kaano nia si ano sa ano.. hahaha.. puro ano, mahirap na kasing magsalita, baka kung ano pa ang masabi ko na hindi dapat..

madilim na naman ang mundo ko.. nawala na ng tuluyan kung maliit na liwanag na nakasanayan ko na.. wala na namang magiging direksyon ang buhay kong ito.. bakit ba ganun ang buhay ng tao, kung kelan meron ng kulay ang buhay mo at nagiging masaya ka na, saka naman darating ang isang malakas na bagyong maaaring bumura sa makulay mong mundo..

sana kung gaano na lang kadaling buuin ang mga salita, ganun din kadaling gawin ang mga ito.. kagaya ng status message ni laur sa kasalukuyan.."fixing a broken heart.." sana nga ganun kadali yung gawin.. para lahat ng tao, madaling makarecover.. pero hindi kasi ganun yung nangyayari eh. hindi naman pwedeng madaliin ang lahat ng mga bagay bagay.. mayroong mga pangyayari na kailangang lumipas muna ang mahabang panahon bago tulyang maghilom ang mga sugat.. tulad na lang sa isang relasyon..

sabi sa socsci2 namin, God gave man mind and soul, he also added intelligence and will.. pero bakit ang mga tao eh hindi na magamit yung intelligence na yun pagdating sa pag-ibig...
nagbubulag bulagan pa nga minsan sa ngalan lang nito.. ang mga mali, pinipilit maging tama.. siguro nga walang mali basta pagdating sa love noh?

sinabi ko dun sa naunang post ko na pagod na akong gawin ang maraming bagay dahil sa maraming dahilan.. pero hindi ko rin naman mapigilan kasi yun na yung natural sa akin.. natural na yung makikita mo akong tumatawa kahit na deep inside naman eh nagdurugo ang puso ko.. natural lang naman na huminga ako kasi kelangan mabuhay, malaki pa ang utang ko sa mga magulang ko..

alam ko nagiging boring na para sa nagbabasa nito ang mga sinasabi ko {kung meron man} kaya hindi ko na siguro ito pahahabain pang masyado.. pinost ko lang ito para malaman naman ng mga tao kung saan ilalagay ang mga biro nila..

pagod na ako..

2007-07-16T07:18:00.000-07:00

pagod na akong huminga dahil nahihirapan lang ako tuwing may sipon ako..

pagod na akong makakita ng mga taong epal, umiinit lang ang ulo ko..

pagod na akong makipaggaguhan, ako rin naman ang pikon sa bandang huli..

pagod na akong mag-isip, wala naman akong isip..

pagod na akong maging mabait, mas gusto ko na sigurong maging masama..

pagod na akong gumalaw, naninikip lang ang dibdib ko..

pagod na akong magsalita, wala naman laging sense ang mga sinasabi ko..

pagod na akong matalo, lagi namang ganun eh..

pagod na akong mag-aral, wala rin naman akong naiintindihan..

pagod na akong mapagalitan ng magulang ko, hindi rin naman ako naiintindihan..

pagod na akong ako na lang ang laging mali, kahit ako naman talaga..

pagod na akong mabuhay, wala na akong makitang dahilan para magpatuloy pa..

oo pagod na pagod na ako sa buhay ko na 'to..

pero bakit patuloy pa rin ako sa paggawa ng mga bagay na kinakapagod ko??
amf..

after eee21 exam...

2007-07-14T03:01:00.000-07:00

nakakainis yung problem na nasa blue na paper.. nagkulang ako sa oras, medyo nagegets ko na sana kung pano sya gagawin.. amf.. hidi ko tuloy nasagutan.. haay.. at least tama ako dun sa bonus question. hehehe...

kawawa naman si jerrold, apat ang exam ngayong araw, at magkakasunod pa yung tatlo dun.. hahahah... buti na lang mabait si sir ocampo {tama ba? hahaha, hindi ko kilala yung prof ko sa EEE21 lc} at kumausap siya ng ikot na jeep na maghahatid sa mga sawimpalad na tulad niya papuntang eng'g at mag eexam pa ng ES 12...

ang bagal ng pc ko ngayon, hindi ko alam kung bakit.. me laro bukas ang UP... VS. NU.. sino kaya ang mananalo.. wala pa pala akong kasamang manonood.. haay.. sana naman hindi matambakan tulad ng previous games ang UP.. 7 rookies at 6 na sophomores ba naman ang team eh.. sobrang bata.. tapos puro guard pa..

wala akong exam ngayong linggo.. hahaha, mabuti naman at makakapahinga na muna ang aking utak.. wag lang sanang sumama ang hangin at magulat ako na exam na pala sa socsci 2 sa friday.. huhuhu...

--mark

p.s.

nakakatuwa talagang panoorin yung video ni friend habang nagrarapel.. nasaktan kaya sya dun??

p.s. 2

kanina ko lang narealize sa jeep.. bakit nga ba nagsolve ako ng sobra sa bonus eh samantalang ang simple lang naman nung tanong.. sinabi lang nung problem na unusually intelligent yung manok pero ala naman sinabi na kakaiba ang katawan nya..
natural, 4 ang toes ng isang paa ng manok..

radio trip

2007-06-24T19:57:00.000-07:00

setting: walang magawa kaya naisipan kong ipasak ang headset sa tenga ko at makinig ng radyo.. sa paglipat-lipat ng istasyon, narito yung ilan sa mga kantang napakinggan ko...

playing: total eclipse of the heart

nakakalungkot naman.. walang nagtetext sa akin, wala tuloy akong magawa. birthday pala ni jang ngayon {Happy Birthday Jang!}, tapos san juan day pa ngayon... kaya siguro John Rey ang pangalan ni jang.. hahaha..

naaalala ko nung bata pa ako, pag itong kantang ito yung pinapatugtog eh takot na takot ako... halos magtago na nga ako sa palda ng nanay ko nun eh.. ewan ko nga ba.. pero ngayon, isa na ito sa mga kantang pag wala na akong mgawa eh bigla bigla ko na lang kinakanta.

playing: ale

sa hindi malamang kadahilanan, masyado akong na LSS sa kantang ito. yung tipong pag narinig ko ito, parang feel na feel ko ang pagkanta.. siguro kasi madali syang sabayan.. tapos nagkakataong dati na kapag naglalakad ako galing central papuntang molave eh ito yung lagi kong naririnig sa radio..

playing: ngiti

hahahaha... naalala ko tuloy bigla si manager dahil sa kantang ito.. lalo na dun sa verse na

minamahal kita
nang hindi mo alam, wag ka sanang magalit
tinamaan yata talaga ang aking puso
na dati akala ko'y manhid...

lagi nya sinasabing manhid ako dati {hindi ko matandaan kung sinsabi pa rin nya hanggang ngayon}, pero lagi kong sagot eh hindi naman... hindi nga ba?

playing: kering keri

EEE orientation ng mga freshie... yan yung unang pumasok sa isip ko nung marinig ko to.. kasama yung "lucky me" saka "makulay ang buhay sa sinabawang gulay". Tawa ako ng tawa sa presentation ng Circuit nung orientation {nevermind yung iba} hindi ko alam kung bakit biglang napasok sa script nila itong mga kantang ito.. hehehe..

playing: breaking up is hard to do

nung una akala ko grupo ng mga batang babae ang kumanta nito kaya nagulat ako nung nalaman kong sina makisig pala ang kumanata.. naks naman, kahit mga bata pa lang ganito na yung kinakanta nila.. tsk.. mahirap nga naman, lalo na kapag mahal nio pa ang isa't isa..:)

playing: your love

quote ko lang sa kanta

you're the one that I can't wait to see
when you're here by my side, I'm in ecstacy

Ganito siguro yung nararamdaman ko pag namimiss ko na si manager..

I'm all alone without you
but days are dark without the glimpse of you
now that you came into my life
I feel complete

-----------
tapos wala na...

drama ng isang freshie

2007-06-21T23:38:00.000-07:00

i wish forgetting my feelings for someone was as easy as digging a hole in the backyard, burying it there and leaving a cross over it to remind me of how beautiful it once was. but it could never be like that... the truth is forgetting these feelings, is much like digging my very own grave and burying myself alive... awts!

----------

it's hard to wait around for something that you know will never happen, but it's harder to stop when you know it's everything you've always wanted.. super awts!

----------

the ironies of love.. seems to be endless.. but keeping track of them.. will lose the essence of truly loving.. for love is how you do your best to outwit whatever irony lies ahead. only to give your heart to someone.. regardless of his capacity to love you back.. hais..

----------

i wish someone will assure me a lovelife that's like what baby shampoo guarantees..

no more tears..

----------

don't expect anything in return, don't expect your efforts be appreciated.

your ideas to be discovered..

and your love to be understood..

because EXPECTING is oneway of hurting yourself..

isn't it?

----------

bitterness doesn't mean you hate falling in love..

it's just being wise and careful so that your heart won't be used and torn apart again..

----------

a freshie from G18
prinsesa

buhay na naman ako...

2007-06-21T23:36:00.000-07:00

malapit na TALAGA ulit akong magpost... medyo nagkaroon lang ng problema sa pc sa bahay kaya hindi na ako nakapagpost sa 2 buwan...

bakasyon... bakit hindi kita naramdaman??!!

2007-04-10T09:00:00.000-07:00

malapit nang magsimula ang summer classes... lumipas ang holy week.. dapat bakasyon yun pero hindi para sa akin...

++++++++++++++++++++++

ang daming nangyari nitong nakaraang mga linggo, nag-away kami bago sya umalis papunta sa kanila. masasabi kong marami na talaga akong pagkukulang sa kanya. at inaamin ko rin na nadadagdagan pa ang mga pagkukulang na yun at wala pa akong masyadong nagagawa para mapagtakpan ang mga pagkukulang na yun... sana lang meron pa akong sapat na panahon para gawin yun.

++++++++++++++++++++++

hindi ako natanggap sa pagiging RA. oo aaminin ko malungkot kasi effort kaya yung pagpunta ng maaga dun pero kagaya nga ng sinasabi ko sa mga nagtatanong eh mas nagustuhan ko yung nangyari. muntikan na akong mapaalis sa collge namin, buti na lang binigyan ako ng pagkakataon ng prof ko na palitan ang dapat na mangyayari.

++++++++++++++++++++++

nagremovals ako sa math... at since below 55 ang final grade ko(dapat 55-59 para 4.0) ang target grade ko is 70%. walang nakaalam dito sa bahay na nagremovals ako. ayoko na kasing makadagdag pa sa problema. pag nag-aaral ako, patago para hindi nila makita at hindi nila malaman. mahirap pala yung ganun. pero sa awa naman ng Diyos, napasa ko naman sya at ngayon nga, naremove ko na yung grade na 4. yehey..

++++++++++++++++++++++

siguro yung pagpasa ko sa math eh ang sign eh yung hindi ako magiging RA. ok na rin. wala namang sama ng loob kasi alam ko naman na kung sino yung kasunod ko sa pila eh nageffort din na pumunta ng maaga dun. nakakapanghinayang nga lang...=)

++++++++++++++++++++++

at may isa pang magandang balita na hindi ko talaga inasahan. nagbago na ang isip nya, mag susummer class na xa. yehey. makakasama ko na xa ngayong summer...
++++++++++++++++++++++

bakit puro "+"? kasi easter. hehehe. joke lang. wala lang wala lang talaga akong magawa sa buhay ko.

natulog ako then poof it became koko crunch

2007-03-23T09:53:00.000-07:00

natapos na ang mga klase kahapon, araw na naman ng paghuhukom. malalaman na kung sino ang nakikinig at natutulog lang sa klase. malalaman na kung sino ang may natutunan at kung sino ang nagsayang lang ng binayad na tuition fee. FINALS NA!

*****

masaya "daw" si alvi kahapon, bakit kaya? sana lagi na lang masaya ang mga tao para maging masaya na rin ang mundo. kaso hindi talaga maiiwasan ang mga kadramahan sa buhay ng tao.

*****

kagabi natulog ako na ang MP namin ay Malaking Problema. aba akalain mo, paggising ko, ang Malaking Problema, mabubuo na pala. nakakagulat lang talaga. hmmmm... sana lang maintindihan ko rin sya pag gagawan ko na ng report mamaya. salamat gon!

*****

masaya ako 80 ang target ko sa 3rd long exam ng EEE11 para pumasa hindi katulad mg sa iba kong subject dati. hahaha... haayyy kamusta naman kasi ang acads, panira talaga... hmmmmm... pero minsan narerealize ko, enjoy din naman palang mag-aral paminsan minsan lalo na kapag naiintindihan mo yung tinuturo at kayo lang nagkakaintindihan ng prof mo sa klase.

*****

wala pala akong matinong bond paper dito sa bahay, haaayyy... pano kaya yung take home ko, saan ko isusulat. tapos san ko ipiprint yung deliverable namin? haaayyy... ampangit naman kasi nung nabili kong bond paper kahapon, parang onion skin paper sa sobrang nipis. konting galaw nga lang nagugusot na agad. san ka pa?

*****

malapit na ang bakasyon, malapit na rin ang FR ng mga apps. yehey! ano kaya ang mangyayari sa FR? ano kaya ang mangyayari sa talent's night? abangan...

*****

ang sarap tumambay dun sa bagong EEE and CS library, malamig. library na wala pang mga libro. nagtour kami dun nung isang araw kasama sina jaymie, darwin, alvi, gouki, lolo gelo, paul, jade and company. ang sosyal ng mga gamit, kahit na yung table ni manong guard. sabi ko nga sana naging guard na lang ako eh. tapos me computer pa daw yun pero bulok naman yung bubong, butas pa. hahaha.... ang sarap sigurong mag GA sa ERG discussion room... ang bait ni ate at kuya na nagtour sa amin. pati kainan nila pinakita. hehehe

*****

prohibited

2007-03-22T11:38:00.000-07:00

dapat hindi ako nagpopost ngayon kasi ang dami2 ko pang dapat gawin, nirush ko na nga lang yung paper ko sa eng10 para lang may maipasa ako ngayon. inaantok na ako, hindi pa ako natutulog simula kahapon. pero hindi pa ako pwedeng matulog kasi may paper pa akong gagawin para naman sa eng1. ang hirap naman ng ganito, sabay ko pang kinuha yung 2 english, ayan tuloy, dumudugo na ilong ko sa kakaisip ng english na yan. peste. hindi ko pa naiintindihan kung ano yung dapat kong gawin para sa eng1 kaya hindi ko pa masimulan. at ang due nya... within 5 hrs and 30 minutes. minus one hour pa pala para sa byahe. minus one hour uli para sa paghahanda kong pumasok. at isa pang minus one hour kasi me balak pa rin naman akong matulog kahit papaano. so 2 hrs and 30 mins na lang pala ang natitira sa akin. waaaahhh... kung pwede lang maglaho sa mga panahong ganito, sana matagal na akong naglaho. nakakainis lang isipin talagang parang nananadyan ang pagkakataon. kung kelan ka pwedeng may gawin, saka ka naman nawawalan ng gagawin. tapos pag tambak ka na sa gawain, tatambakan ka pa lalo. haaayyy... nakakaasar na ang ganitong buhay. sana matapos na ang sem na ito. sana bakasyon na. ngayon ko lang uli nagustuhan ang bakasyon. dati kasi naiinip ako ng walang ginagawa eh. hindi ako makapaniwala na natype ko lahat ng nasabi ko sa taas in 5 minutes. ibig bang sabihin nun eh ganun na talaga karami yung pumapasok sa utak ko at nailabas ko na dito ngayon... arrrggh... kung pwede lang sanang sumigaw ngayon dito sa bahay kaso natutulog pa pala ang mga tao. nagugutom na ako. magluluto na lang muna ako siguro ng pancit canton. tapos balik ulit sa trabaho. haaayyy... pero parang wala pa itong ginagawa ko sa ginagawa ng upper years. so ibig bang sabihin nun eh mas mahirap pa ang mga darating na taon? parang ayoko na tuloy maging isang inhinyero, pero kailanga ko itong tapusin kasi nasimulan ko na. sana lang sa pagtatapos ng labang ito sa buhay ko, buhay pa rin ako at maluwag na makakahinga. miss ko na ang manager ko. tapos malaking posibilidad pa na hindi kami magkikita bukas kasi marami rin syang dapat gawin... haaayyy... sa kanya na lang ako humuhugot ng lakas para patuloy na mabuhay at lumaban. waaahhhh.... ngayon ko lang naalala, meron pala kaming take home exam sa math at kelangan kong magpaturo sa kanila para pumasa naman ako sa math. ang pangit nung papel na nabili ko sa mini stop nakakaasar, mukha tuloy basura yung ginawa ko. basura na nga yung laman, basura pa yung papel. haayy... nakakahiya sa prof ko. sige na nga, hanggang dito na lang mina itong post na ito at ako ay gutom an gutom na...

untitled

2007-03-19T11:58:00.000-07:00

wala na naman akong maisip na maipost dito... pero gusto kong magpost... ang dami daming mga tao ang nagdradrama lately... bakit kaya? dahil exams week? nag-away kami ni manager last week, at hindi lang basta away... halos isang linggo ata na hindi kami nagkita... at ang lungkot nung panahong yun dahil nadaanan yung date ng monthsary namin. haaayyy... tapos may bumati(nang-asar?) pa sa akin nung araw na yun tungkol sa monthsary. sabagay, hindi ko naman siya/sila masisisi kasi hindi ko naman nasabi sa mga tao na hindi ng kami ok nung mga panahong iyo. pero aaminin ko, hindi ako natutuwa noon. medyo naasar pa nga ako pero hindi sa mga tao kundi sa sarili ko kasi ang tanga tanga ko talaga. hindi na nga ako nakapagconcentrate at nakapag-aral masyado para sa exams ko nung sabado kasi iniisip ko sya. pero buti na lang nagkaayos na kami kahapon kaya bumalik na yung saya sa puso ko. sabi niya pareho naman daw kaming may mali pero feeling ko eh mas malaki yung pagkakamaling nagawa ko. bakit ba kasi hindi ko pwedeng hatiin/paramihin yung sarili ko? hindi ko tuloy magawa yung mga bagay na gusto kong gawin pero kelangan kong mamili ng isa. at kadalasan, yung napipili ko eh mali. hindi kasi ako mahusay gumawa ng mga desisyon sa buhay. masasabi ko na ako yung tipo ng tao na mahilig sa bahala na. kung ano yung nandyan, yun lang yung gagawin/pupuntahan ko. gusto ko ng baguhin itong ugaling ito pero hindi ko rin maiwasan minsan na gawin ito dahil sa kakulangan ng oras. bitter talaga ako sa oras. tulad na lang ng exams. bakit kelangan silang maipon sa iisang araw tapos yung araw pa na yun eh marami ka ring gagawin para sa requirements mo sa ibang subject. hindi mo tuloy malaman kung alin ang uunahin mo, ang pag-aaral para sa exam o ang paggawa ng mga requirements. kaya marami ang bumabagsak eh. maliban sa dahilang hindi talaga nag-aral, siguro mas marami yung gustong mag-aral pero hindi magawa dahil sa dami ng ibang gagawin.

Huwag basahin, NAKAMAMATAY!(galing sa friendster para lang kay darwin)

2007-03-11T18:55:00.000-07:00

O, bakit binabasa mo ito?
Hindi ka ba marunong magbasa?
Malamang marunong kasi binabasa mo na nga ito sa kasalukuyan.
Malamang rin eh nakakaintindi ka ng Filipino kasi kung hindi, dapat kanina pa lang tumigil ka na sa pagbabasa.
Pero bakit hanggang ngayon ay patuloy mo pa rin itong binabasa?
Kasi umaasa ka na may mapapala ka sa post na ito?
Pero ang totoo, nagsasayang ka lang ng oras sa pagbabasa nito.
Kung sinunod mo ba naman yung nakasulat na title, eh di sana nagamit mo ang oras mo sa paggawa ng ibang bagay
Hindi yang nakatitig ka lang sa monitor, at patuloy na binabasa ang isang nonsense na post tulad nito.
Maaaring ilang minuto lamang ang nabawas sa oras mo dahil sa hindi pagsunod sa isang simpleng instruction na nakalagay sa taas,
Pero kung iisiping mabuti, laging nagrereklamo ang mga tao na kulang sila sa oras.
Parang laging hinahabol ang panahon
Pero bakit may mga taong nag-aaksaya ng oras?
Tulad mo, sa halip na nag-aaral ka dahil may exam ka o di naman kaya ay gumagawa ka ng assignment or MP mo, eh heto ka ngayon at binabasa ang walang kakwenta kwenta kong post?
Kahit sabihin na isang minuto lang naman ang naaksaya sa pagbabasa nito, wala ka pa ring excuse
Kasi sa loob ng isang minuto, marami ang pwedeng mangyari
Pwede kang masugatan sa loob lang ng isang minuto,
pwede mong makita ang soulmate mo sa loob lang ng isang minuto,
pwede mong maisip ang sagot sa matagal ng gumugulo sa buhay mo sa loob lang ng isang minuto,
at pwede ka ring malagutan ng hininga sa loob ng isang minuto.
Ganyan kahalaga ang bawat minuto sa buhay ng isang tao.
AT paano pa kung ilang beses mo pang inulit ulit basahin ang post na ito?
eh di mas maraming oras ang sinayang mo.
maikli lang ang buhay, bawat oras sa buhay ay mahalaga
maaaring sa ilang minuto mo, magkakaroon na ng kahulugan ang buhay mo o ng iba.

at panghuli,
kung hindi sana naging matigas ang ulo mo at hindi mo binasa ang post na ito sa simula pa lang, eh di sana hindi nagulo ang buhay mo! hahaha...

naiinggit

2007-03-09T09:00:00.000-08:00

For SALE:

150php per kilo

text +639159084256 for your orders.
Hurry! Limited Stocks Available.
darwin's pork- mura na, mamantika pa.

wow mali...

2007-03-09T08:54:00.000-08:00

ang post na ito ay para sa mga taong gumawa/gumagawa ng isyu tungkol sa batang nakalalathala ang litrato sa blog na ito. hindi po ako pedophile. hindi po yan yung girlfriend ko. eto po yung litrato ng taong mahal na mahal ko. =)

wala akong maisip

2007-03-09T08:22:00.000-08:00

iba-iba ang mood ng mga tao ngayong araw. porke ba't hindi ako tumambay?
may sikreto sina darwin at alvi. nagulat naman ako na hindi. hahaha...
kahapon lang parang ang lungkot lungkot ni kuya kel, ngayon, balita ko masaya na daw sya
ako masaya
si kevin masaya
si darwin, masaya
sana lahat ng tao pwedeng maging masaya sa loob ng isang araw.

eng'g lib part 2

2007-03-06T21:05:00.000-08:00

babala nga pala sa mga magtetext:

nananampal ito. mag-ingat. maraming boylet ito.

eng'g lib

2007-03-06T20:57:00.000-08:00

mukha bang scary to??? oo kaya.. hahaha... si mariam castro po ito, 2006-50224 cell # 09065341489. kelangan daw nya ng textmate. broken hearted eh...

sa mga interasado, magshare a load lang kayo sa kanya para may pang-unli syang panreply sa inyo. ok?

di yan humanitarian(nangangain ng tao)

anim na tao

2007-03-06T09:10:00.001-08:00

ano kayang ginagawa ni darwin dito? nag-iisip? siguro. pero ano ang iniisip nya? acads? pwede rin kasi isa talagang malaking palaisipan ang acads. pag-ibig? pwede rin, kaso hindi ko naman alam ang lagay nya sa dyan. hindi naman nya sinasabi ang mga detalye tungkol sa kanyang buhay pag-ibig. pera? hindi siguro, sabi ko nga tag-yaman si darwin. pero pwede rin pala. kasi lahat naman ata ng tao /*mayaman man o mahirap*/ eh may problema sa pera. ano pa kaya ang pwede nyang pagmuni munihan? yung katabaan nya? grabe naman, sa tingin ko hindi na dapat pinag-iisipan masyado yun. tatanda ka lang sa kakaisip nun.

pero sa tingin ko sa dami ng problema na pwede nyang isipin eh iba ang ginagawa niya rito. natulog na lang siguro sya tulad ng ginagawa ng karamihan kapag nasosobrahan na sa problemang pwede nilang isipin. pansamantala ka nga namang makakatakas sa mga problema pero paggising mo, kinakailangang harapin mo ulit ang mga ito. at kapag sinimulan mo ng harapin ang mga problema, kailangang tapusin mo ito. kasi kung iiwanan mo ulit at tutulugan mo ulit ang problema na yun, paulit-ulit ka lang dadaan sa cycle ng tulog-harap sa problema-gawa ng solusyon-kapag di kaya tulog. hahaba yung oras na ginamit mo sa paglutas ng mga problema sa buhay. kahit na ang tao ay hindi nawawalan ng problema, mas maganda sana kung malulutas natin yung mga problema sa maikling panahon lang. para mas marami tayong time para isolve yung mga mas malalaki at mas mahalagang problema. hindi ko naman sinasabing wag tutulugan ang problema. kailangan din yun minsan. kasi kung puro problema lang ang iisipin mo, madali kang tatanda.

saka ang problema, kapag hindi na kayang lutasin mag-isa, pwede namang ihingi ng tulong sa iba. mahirap kasi kung sosolohin mo lang yung mga problema. baka bigla ka na lang sumabog sa kakaiisip at dalhin ka na lang bigla sa mental hospital. marami namang mga tao sa paligid na laging handang tumulong sa'yo. pwede rin namang kumuha ka ng mga inspirasyon sa mga tao sa paligid.

alam kong walang bago sa mga sinabi ko pero marami na ang nakakalimot sa mga bagay na ito. sana nakatulong ako na paaalahanan ang mga taong maraming problemang hinaharap lalo na ang sarili ko.

apps 06b trivias=part 1

2007-02-28T19:18:00.000-08:00

John Ellison David Jamorabon
2006-18692

-kamag-anak ni FVR
-paborito ang ube flavored food
-di pa kumakain ng isaw ever

Christienne Mikhaille Cornel Torralba
2006-18638

-may kakambal daw na ahas
-parang patay kung matulog
-ayaw sa pangalan nung gradeschool

Paolo Ross D. Gonzales
2006-52661

-yellow belter in taekwondo
-once member of a dance group
-lumabas na sa tv once

Jose Angelo C. Austria
2005-74155

-nafofold yung dila thrice
-matabang bata
-nanay si Amy Austria

Jathniel Canar
2006-30620

-2 stitch sa noo
-natry na hindi matulog for 5 days
-APE passer(math11)

John Paul Carlos Mogatas
2006-07230

-volleyball varsity nung hs
-di kumakain ng prutas
-vain

Arvin Jeremy C. Agoncillo
2006-18653

-mabigat pa ang isang sako ng bigas
- nakawala ng pants sa school
-frustration ang swimming at singing

Lauren Angela Santelices
2006-71556

-trip magpatawa
-super bilis kumain
-samurai x fan

Welcome Rotonda - Road 20, Proj.8

2007-02-26T09:25:00.000-08:00

ako yung huling nakasakay sa amin pagkagaling sa bahay nina gouki. sakto, may dumaan na proj.8 na jeep na wala pang sakay na pasahero. kaya sumakay agad ako sa harap. balak ko sanang bayaran na lang yung dalawang upuan sa harap pero tinamad na ako. may tatlo rin akong nakasabay na sumakay sa welcome. habang nasa byahe ako, madaming gumugulo sa isip ko...

unang hinto
D. Tuazon St.

may sumakay na mama at tumabi sya sa akin. nakakaasar nga kasi hindi man lang ako nakatagal sa upuan ng walang katabi. tapos nagyoyosi pa siya. ang hirap huminga, parang yung naranasan ko nitong mga nagdaang araw. nakakairita yung binubuga niyang maputing usok. may mga tao namang kayang magyosi ng walang napopolute na hangin ng iba.

ikalawang hinto
Banawe St.

dito tumigil yung sinasakyan ko ng mga limang minuto. marami kasing tao at mas malaki ang tsansa na makapagsakay sya. at hindi nga sya nagkamali. halos napuno na yung jeep, buti naman, at least magiging mas mabilis ang byahe ko kasi antok na antok na ako...

ikatlong hinto
Araneta Ave.

tumigil naman yung jeep kasi stop yung nakailaw sa stoplight(parang napakaredundant) naaaliw ako sa ilaw ng quezon aveue. pag gabi talaga nabubuhay ang kalyeng ito. puno ng ilaw, parang ang saya saya ng buhay sa lugar na ito. pero pagdating ng umaga, nagiging seryoso na, wala ka nang makikitang mga nagkukulayang ilaw, puro mga taong nagmamadaling pumasok sa trabaho ang nandito. Maraming establisyamento ang sarado.

ikaapat na hinto
Pantranco

gabi na nga nung umuwi ako. wala ng jeep na dumadaan patungong UP Campus. pero marami pa rin sasakyan na papuntang Fairview. punuan pa nga. pero nakatigil pa rin sila dun kaya nagkakaroon ng traffic sa lugar na yun. nakakainis kasi nagsindi uli ng yosi yung katabi ko, ikalawa, nakakainis yung mga nakahintong sasakyan, natatagalan lalo yung byahe ko. pero naisip ko, hindi ko sila pwedeng sisihin. kasi mahirap talaga ang buhay, mahal ang gasolina. kung hindi sila magsasakay ng magsasakay ng pasahero, sila rin ang malulugi dahil hindi sila kikita.

ikalimang hinto
Roosevel Ave.

may dalawa pa daw na pwedeng umupo sa jeep kaya huminto yung sinasakyan ko sa tapat ng mag-asawa. pero sinilip lang nila yung jeep tapos hindi sila sumakay. ewan ko kung nainis yung driver kasi sabi nya, magtaxi na lang daw yung dalawa. tama nga naman sya kung tutuusin kasi kung gusto mo sumakay sa maluwag, magtaxi ka na nga lang. pero hindi rin naman masisisi yung mag-asawa kung bakit hindi sila sumakay. mukha na kasing puno yung jeep at kahit nga ako ay nagulat nung sinabi nung driver na dalawa pa raw ang kasya.

ikaanim na hinto
Del Monte Ave.

may pumara. kaso nasa gitna yung jeep. tapos nung tinatabi ni manong driver yung sasakyan, para pa rin ng para yung gustong bumaba. sabi ni manong, sandali lang daw kasi yung jeep pwedeng ipawelding or ipagawa kung mabangga. pero kapag yung tao namatay, hindi naman pwedeng ipawelding o ipagawa. kasi wala ng pag-asa pang mabuo uli yun. natuwa ako sa sinabing iyon ng driver. kasi bakit nga ba naman may mga taong masyadong mainipin hindi man lang naiisip na dahil sa pagmamadali ay pwedeng mawala ang kanilang buhay.

ikapitong hinto
Munoz

eto na yung pinakaayaw ko na parte sa buong byahe ko. dito kasi yung pinakamatagal na tigil ng jeep. hindi lang dahil sa nagsasakay yung jeep kasi maraming tao, kundi madaming tao na namamalengke dito sa lugar na ito. gusto ko na talagang matulog pero baka kasi hindi ko na mamalayang nasa may road20 na pala ako.baka lumampas ako eh bano pa naman ako sa mga lugar na lampas sa road20. kulang na rin yung pamasahe ko para sumakay ng jeep pabalik kung sakasakali lang.

huling hinto
road20

sa wakas nakarating din ako. konting lakad na lang pero parang wala na akong lakas para maglakad...

1

2007-02-23T09:45:00.000-08:00

inaantok na ako, matutulog muna siguro ako. wala na naman pumapasok sa isip ko...

wanted:genie

2007-02-20T07:08:00.000-08:00

kelangan ko ng isang genie asap

bAkit gAnun?

2007-02-20T06:03:00.000-08:00

hindi ko naman talaga gustong maging isang engineer. hindi ko gusto pero hindi ko rin naman ayaw. wala rin naman akong ibang magustuhang gawin kaya yun na lang kinuha ko. at saka natutuwa talaga ako sa pagkutingting ng mga bagay bagay lalo na yung mga laruan kong de baterya nung bata pa ako kaya siguro eto yung kinuha kong kurso.

mahalaga para sa akin ang buhay. siguro kaya ko sumali sa red cross nung high school at kaya ako kumuha ng rapelling na CWTS ay dahil sa gusto kong makapagligtas ng buhay. kahit isang beses man lang sana, may mailigtas ako. ginusto ko dati na maging isang doktor, para makapanggamot ako ng maraming tao. kaso ang mahirap, ang tagal ng pag-aaral para maging doktor. ako pa naman yung taong mainipin. saka hindi talaga ako destined na maging doktor kasi hindi ko nagustuhan ang mga subject na dapat ay paborito ng mga doktor.

kaso sa ginagawa ko sa buhay ng mga tao sa paligid ko ngayon, kabaligtaran ang nagagawa ko. parang sa halip na pinapahaba ko ang kanilang buhay eh lalo ko pa silang pinahihirapan at pinapaiksi ang kani kanilang mga buhay.

sana nga manhid na lang ako tulad ng sinasabi ng iba. eh di sana mas madali ang buhay ko ngayong mga panahong ito. kaso kahit anong kagustuhan kong maging manhid na lang, walang epekto sa akin nasasaktan pa rin ako. pero siguro tama lang yun, at least kahit nasasaktan ako ngayon, kahit na umiiyak pa rin ako hanggang ngayon, kahit na hindi ko alam kung kelan magbabalik ang dating ako, ok na rin siguro yun, at least wala nang gago sa buhay mo, wala ng magpapaiyak pa uli sayo.

alam ko wala nang kaugnayan ang mga nakalagay sa taas sa mga pinagsasabi ko ngayon. kaso paraan ko lang yan para hindi masyadong mahalata ang tunay na mood ng post na ito. sana nababasa mo ito, kaso mukhang malabo yun. ako pa lang sa kasalukuyan ang nakakaalam ng blog na ito, kaya malabong malaman mo.

gusto ko ng maglaho ngayon para lang mawala yung nararamdaman kong sakit at pangungulila. pero hindi pwede, umiikot pa rin pala ang mundo. kung pwede ko lang sanang patigilin, kahapon ko pa ginawa. kaso yun ang isa sa mga limitasyon ko bilang isang tao, hindi ko hawak ang oras. matatagalan siguro bago ako makamove on pero wala naman akong magagawa ganun talaga ang buhay.

mahal na mahal kita pero mukhang kelangan na talaga kitang pakawalan

Kaawa-awang mga isda....

2007-02-19T07:08:00.000-08:00

Nakakita na ba kayo sa palengke ng nagtitinda ng buhay na isda? Matagal ko na rin silang nakikita sa pinupuntahan naming palengke, pero ngayon ko lang sila napansin. Dati rati'y buhay na hito lamang ang makikitang isdang buhay sa palengke. Pero ngayon, meron na palang tindang mga buhay na tilapya.

Minsan na kaming nakabili ng buhay na tilapya. Ok lang naman sya, lasang tilapya rin. Ang pangit lang, hindi lang yung lasang isda ang malalasahan mo. Parang may kasamang putik.(Ewan ko kung nagkataon lang pero sa dalawang beses na nakakain ako eh yun yung nalalasahan ko).

Pero kamakailan lang, parang nawalan lalo ako ng ganang bumili ng buhay na tilapya. Kasi kaawa awa talaga ang sinasapit nila sa kamay ng mga tindera. Nakakaawa kung paano sila pinapatay. Meron akong nakitang pinupukpok yung ulo ng tilapya saka biglang tatanggalan ng bituka. At mas matindi yung isa pang nakita ko na halos ginilitan lang ang tilapyang walang kalaban laban...

Naisip ko tuloy, mas mabuti pa ang kalagayan nung mga isdang tinitinda na wala ng buhay. At least kahit tinatanggalan rin sila ng bituka at hasang, hindi na nila nararamdaman. Samantalang yung mga buhay, nararamdaman nila yung sakit. Kahit anong palag ang gusto nilang gawin, wala na silang magagawa kasi una, mahigpit ang hawak sa kanya ng tindera, at ikalawa, yun na talaga ang kapalaran niya. Ang nakakaawa pa dun, pinahaba pa ang buhay niya samantalang unti unti naman pala siyang papatayin.

Ganun din kaya ang lagay ng mga tao? Parang yung tilapyang buhay? Hmmm...

*inspired by the manok of Jaymie Versoza

Last will...

2007-02-19T06:49:00.000-08:00

Dahil sa wala naman akong kayamanan para gumawa ng isang testamento kapag namatay ako, yung last will ko na lang...
Maiksi lang kasi ang buhay, hindi natin alam kung kelan ito kukunin sa atin...
Sana lang masunod lahat...

1. Walang iiyak kapag namatay na ako. Hindi ako malaking kawalan sa buhay ng mga tao, alam ko namang naging isang napakalaking panggulo ko sa buhay ng mga taong nakasalamuha ko.

2. Ayoko ng mahabang burol. Tama na siguro yung 2-3days. Actually, mahaba na nga yan eh...

3. Gusto ko ng isang simpleng kabaong. Ayoko ng itim, gusto ko yung puti lang.

4. Regarding nga pala sa dress code, walang magsusuot ng puti or itim sa burol o lamay ko, ayoko ng masyadong mapangluksang ambiance. Gusto ko yung makulay na damit. Kung may makakapagsuot ng neon green na damit, mas maganda.

5. Ayoko nakabarong ako or kahit anong pormal na kasuotan ang isusuot sa akin. Gusto ko casual lang.

Yuin lang siguro muna sa ngayon...